الحب الهادئ - الفصل الثالث
الحب الهادئ - الفصل الثالث
(بعد الشغل )
هادى :وحشتينى
تلا :ايه
هادى :زى ما سمعتى بقالى يومين بفكر فيكى ومش عارف انساكى من اول ما شوفتك ،انتى سحرتينى وخطفتى قلبى و............
هادى :انتى مين
حنان :أنا البيست بتاعت تلا
كريم :وانا البيست بتاع هادى
حنان :يادى الكسوف مش تقول إن عندك بيست قمر كده
تلا :بت ،بتقولى ايه
هادى :تلا ،مش هتردى على اللى قولته
تلا :سكت بكسوف ،هقولك ايه
حنان :استاذ هادى هات تليفونك
هادى :قصدك كابتن ،اتفضلى
حنان :ده رقم تلا
كريم :أنا عايز رقمك علشان محتاج احكيلك على حاجه
حنان :نعم
كريم :حاجه بخصوص هادى
حنان :إذا كان كده ماشى
تلا :بعد اذنكم احنا اتاخرنا اوى
حنان :فى ايه
تلا :انتى اتجننتى ،ازاى تديله رقمى
حنان :ده ماينفعش تتقلى عليه ،وماقولتليش ليه أنه كده
تلا :كده ازاى يعنى مش فاهمه
حنان :زى القمر وصاحبه ٤قمرات فى بعض
تلا :اول مره اشوف صاحبه على فكره ،وبعدين ماتقوليش على هادي قمر،وافرضى اتصل اعمل ايه انا ساعتها
حنان :عادى هتردى
تلا :لا والله بمنتهى البساطة
حنان :مكبره الموضوع ليه
تلا : علشان دى مش أخلاقى والله هو عايزنى يجى يتقدم
حنان :هتقوليله كده
تلا :اه
حنان : طب لما يتعرف عليكى الاول
تلا :لا خالص اول لما يكلمنى ولو عايز يعرفني يعرفني فى بيت اهلى
(عندى أنا بعد أما روحت )
قعدت سرحانه فى هادى وانا فى الأوضه ،انا شايفه انى بتصرف صح فى اللى هعمله بس هو ولا يعرف عنى حاجه ولا انا حتى اعرف هو شغال ايه ،مش عارفه غير أن اسمه هادى وقمر وكويس جدا ،وكفايه عينه ولونها ،البياض اللى حواليها زى لون السحاب ولون عينه واخد لون القمر ولا كل ملامحه الرقيقه الهاديه زى اسمه عنده هدوء وعقل هادى وراسى كده فى نفسه اوى هو ايه اللى أنا بقوله ده انا حبيته ولا ايه ،اللى أنا حاسه بيه أنه خطف قلبى ودى حاجه كنت بدأت اشك انها عمرها ما هتحصلى بس حصلت
ماما :طق طق ،ادخل
تلا :تعالى يا ماما أنا صاحيه
ماما :تلا انتى بتحبى حد ،انا مش جايه اعاتبك ،انا بس جيت اتاكد من الإحساس ،اصل الهدوء والسرحان وانك تقعدى فى قوضتك بالساعات ده اكيد حب
تلا :الحقيقه قلبى اتخطف من غير ما احس كده
ماما :أنا بس عايزه انصحك واقولك خدى بالك من نفسك وماتديش لحد فرصه أنه يفكر يلعب بيكى أو بقلبك
تلا :حاضر يا ماما
ماما :هو اسمه ايه
تلا :اسمه هادى
ماما :طب شغال ايه
تلا :الحقيقه مش عارفه بس هو كابتن ممكن يكون طيار أو ظابط ،اصل ماقبلتوش غير مرتين والاتنين صدفه
ماما :طيب يا حبيبتي الساعه داخله على ١٢عندك شغل وهتصحى بدرى
تلا :تصبحى على خير يا ماما
ماما :وانتى من أهله يا روح ماما
(صحيت تانى يوم ونفسى اشوفه )
حنان :طق طق
تلا :افتحيلها يا ماما أنا خلصت اصلا
حنان :يلا ولا ايه
تلا :اه يلا
(روحت وكانت فى حاله ولاده ،فاخدت الطفل وخرجت اديه لوالده )
تلا :مبروك اتفضل بت زى القمر
الوالد :الله يبارك فيكى ،ايه ده تلا
تلا :هادى
هادى عنده طفل وده الفصل الرابع.......
تعليقات
إرسال تعليق