الحب الهادئ - الفصل السادس
الحب الهادئ - الفصل السادس
حنان :أنا قصدى انك غيرانه واحنا عارفين كده كويس
تلا:عدينى اما اشوف هلبس ايه
حنان :هتلبسى الترينج يعنى هتلبسى ايه
تلا :لا هتشوفى دلوقتي هلبس ايه
(جبت ابره وخيط وصيقت بنطلون الترينج ولبست على شعرى تربون ولبست بضى قط وفوقه الجاكيت اوفر سايز ولبست الكوتشى )
حنان :ايه اللى انتى لبساه ده
تلا:ماله لبسى ،ما أنا زى القمر اهو
حنان :أنا عارفه انك زى القمر بس المكان مليان شباب وهادى ممكن بتخانق بسببك
تلا : ليه ويتخانق ليه بسببى مايغير على الست منه بتاعته
(خرجت من الاوضه وماهمنيش كلامها )
كريم :ايه اللى انتى عملاه ده
تلا :مالى ياكريم ما أنا حلوه اهو
كريم :ممكن تغيرى اللى انتى لبساه
تلا :لا مش مغيره حاجه
حنان :ماتتعبيش نفسك على الفاضى
(سبنا وراح عند هادى )
كريم :هادى ممكن تغير التدريب بتاع الفريق
هادى :مش فاهم
كريم :تاخد انت (ج) واخد أنا (ا)بشكل مؤقت
هادى :ليه مش انت نقلت حنان علشان نكون معاك
كريم :معلش خلينى بس فى تدريب السباحه
هادى :هى لعبه كريم روح لفرقتك وسيبنى مع فرقتى
(بعد دقيقه بدأت صاره الاجتماع )
هادى :ايه اللى انتى لبساه ده ،روحى غيرى اللبس ده
تلا :ليه مراتك أو خطيبتك أو حتى صاحبتك علشان تقولى البس ايه ومالبسش ايه
هادى :بصوت عالى ماتخلنيش اتعصب عليكى
كريم : خلاص يا هادى مش وقته ومش عايزين مشاكل
هادى :لسه المشاكل بعد التدريب مش دلوقتي
(بدأنا التدريب وخلصنا وهادى كان متضايق بس الحقيقه كنت مبسوطه انى مضيقاه اكتر من ماهو مضايقنى )
شخص ما :ازيك اعرفك بنفس كابتن مجدى فرقه (ا) معاكى ،لما عرفت انهم هيجيبوا بنات قولت عادى بس مكانتش اعرف انهم هيجيبوا اجمل بنات
تلا :أنا بقى أسمى تلا وميرسى على المجامله اللطيفه دى
مجدى :مجامله ايه بس هو انتو مش عندكم مرايات فى البيت
تلا :لا عندنا بس ليه
مجدى :علشان تشوفى العيون الزرقاء والبياض والشعر الاصفر الحرير اللى باين من التربون ده ولسه هيحط أيده على الجزء اللى باين من شعرى
هادى :ايدك لتوحشك ومسك أيده
مجدى :مش منه تخصك ولا انت حابب تكوش على الكل
هادى :مالكش دعوه بحاجه تخصنى وتلا تخصنى
كريم :تعالى معايا يا مجدى
هادى :عاجبك كده وانتى جايبه الكلام ليا وليكى
تلا :طب ليا ماشى لكن ليك ليه
هادى :ده لانى ب........
منه :كابتن هادى هما هيلعبوا الصراحه يلا نروح معاهم
(روحنا علشان نلعب كلنا ،كانت الاسئله ماشيه عادى لحد اما جه سؤال من مجدى لهادى )
مجدى : ماقولتليش احساسك ايه وانت عايش مع بنت مش بينتك على اساس انك ابوها
هادى :زى احساسك دلوقتي وضربه
كريم :هادى هادى خلاص سيبه
(كملوا لعب انتو ومشى وسابنا وراح وقف قدام البحر )
تلا :هادى
هادى :عايزه ايه
تلا :انت عينك مدمعه ليه
هادى :موضوع كده
تلا : مديت ايدى ومسحت دموعه ،انت ممكن تحكيلى
هادى :اخدنى فى حضنه،وهو بيعيط ،حاسس أن كل حاجه فى حياتى بتضيع منى ،كل حاجه فى حياتى مش بتاعتى مراتى مش مراتى وبنتى مش بنتى
تلا :أنا مش فاهمه اى حاجه خالص ،وازاى تقول كده على مراتك يعنى تتعب وتحارب علشان بتحبها لحد اما تتجوزها وبعدين تقول عليها مش مراتك وياريت كده بس حتى مراتك شكلها بتحبك
هادى :بتحبنى ازاى وهى لما كانت فى البينج كانت بتقول راضى
تلا : حتى لو قالت اسم حد تانى مش معناه أنها بتخونك
هادى :انتى غبيه جدا ازاى هتخونى مع حد مات ،تصبحى على خير
ايه كل الالغاز دى مش فاهمه حاجه
هنبدا نفهم من الفصل السابع
تعليقات
إرسال تعليق