الحب الهادئ - الفصل السابع
الحب الهادئ - الفصل السابع
(بعد آخر حوار حصل بينا كان هادى بيخلص التدريب ويدخل الاوضه بتاعته ،وكنت قلقانه عليه جدا والحقيقه كان واحشنى اوى )
تلا :كريم أنا عايزه اتكلم مع هادى
كريم :مش راضى يتحرك من اوضه
تلا : خلاص ادخل ليه الأوضه مش صعبه يعنى
كريم :افرضى حد شافك وانتى داخله أو خارجه من عنده
كريم :اللى انتى شيفاه صح اعمليه
تلا :خلاص هدخله
(دخلت الأوضه بس مافيش حد شافنى وانا داخله )
هادى :قولت ١٠٠مره يا كريم مش عايز اتكلم مع حد
تلا :حتى لو كنت أنا مش كريم
هادى :انتى اتجننتى افرضى حد شافك عندى هيقول ايه
تلا :هيقول واحده انت مصمم تجننها معاك
هادى :قصدك ايه ؟
تلا :مش فى مثل بيقول اللى مايشوفش من الغربال يبقى اعمى
هادى :اه عارفه ،يابنتى انتى بتحبيني ولا بتكرهينى ولا ناويه على ايه
تلا :هو ايه البعيد مش بيشوف
هادى :تلا مش ناقصك ،بتحبينى مثلا ؟
تلا :اه
هادى :اه ايه ؟
تلا :بحبك
هادى :انتى عارفه انى متجوز وعندى بنت صح ؟
تلا :أنا بحبك وهحاول اعامل مراتك عادى وبنتك اكيد زى بنتى
هادى :تلا أنا مش بهزر
تلا :الحقيقه انا حبيتك ،اول انسان كنت احس معاه المشاعر دى واحس بالغيره دى لمجرد أن حد بيقرب منه أو يتكلم مع أو على حد تانى قدامى ،بحب عيوبك ومميزاتك بحب عينك البريئه وبعشق ملامحك كلها بحب نفسى وانا قريبه منك ،بحس بقيمه نفسى وانا جنبك بحس جنبك بنبض قلبى لما بشوفك بنسى كل حاجه وبفكر بس ،انا قدرت احبك كده ازاى ،و انا معاك بقدر ابنى احلامى وطموحاتى وحياتى كلها ،عارف لما ببعد عنك بحس أن روحى مش معايا وان الدنيا منغيره والحياه مش حلوه ومافيهاش حاجه تشجع على الحياه عايزاك تعرف ان الحياه بالنسبالى هى انت ،انا عارفه أن غلط ابنى حياتى كلها على شخص واحد ،بس ده اللى حصل اعمل ايه بقى ،اوعى تسيبنى ،اوعى تصدمنى أو تجرحنى ،اوعى توجع قلبى لانى مش هستحمل حاجه زى دى هيبقى اثر الجرح كبير جدا عندى وصعب جدا يلتئم بسهوله وانت هترجع لمراتك وبنتك لكن أنا ماعنديش حد ارجعله ولو عندى مش هقدر استخدم حد كمسكن ولا استغل حب حد ليا لانى مش كده فاوعدنى انك عمرك ما هتعمل كده ولا هتميز مابينى وبين مراتك وان انت هتقدر تعدل بينا ،واعرف انى سلمتلك قلبى ومشاعرى ومستنيه منك تحافظ عليهم
هادى :انا بموت فيكى وانتى ازاى مداريه كل المشاعر دى جواكى ،طب والله يا بختى ،انا حبيت نفسى بسببك ،انتى عارفه لما ببصلك بقول هو أنا عملت ايه علشان ربنا يدينى حد بالجمال والحنيه والطيبه والبرائه دى أنا عملت ايه بس ،لو قعدت عمرى اللى جاى اشكر ربنا أنه رزقنى حبك مش هقدر أوفى ،انا فعلا الدنيا مش سيعانى انا حاسس انى ممكن يحصلى حاجه من كتر الفرحه اللى أنا فيها ،بس كل ده من امتى ولحد اول تمرين ماكنتيش طيقانى
تلا :الكلام ده لما اخدت جنب لمده اسبوع لو عايز تعرف الشخص ده فارق معاك ولا لا ،ابعد عنه فتره لو لقيته مآثر على تفكيرك وانت قلقان عليه وعايز تطمن عليه وشاغل بالك بيه يبقى انت بتحبه ومش عايزه يبعد عنك وانا مش قادره اقعد يوم كامل مافكرش فيك ،يوم ايه انا مش عارفه اقعد ساعه مافكرش فيك ،بفكر فيك بمعدل كل دقيقه مش هقدر بصراحه انك تبعد عنى
هادى :أنا كمان عمرى ما هقدر ابعد عنك بس فى حاجات كتير انتى ماتعرفيهاش
تلا :مش مهم اى حاجه المهم عندى انى بحبك وانت بتحبنى
كريم :طق طق أنا كريم
هادى :استخبى بخضه
تلا :بضحك هو عارف انى هنا اصلا
هادى :ادخل
كريم :فتح الباب بقولك اطلعى قبل ما حد يشوفك هنا
تلا :طب تصبح على خير ،اشوفك بكره
هادى :وانتى من أهله
(خرجت وانا الدنيا مش سيعانى من الفرحه وناقص شويه واتنطط شبه العيال الصغيرين )
حنان :كنتى فين كل ده
تلا :بسرحان ،كنت فى السما ،كنت بطير
حنان :نعم ياختى ،ومالك مسهمه كده ليه
تلا :كنت عند هادى
حنان :نهارك ابيض ،افرضى حد شافك
تلا :أن شاء الله مايكونش حد شافنى ،قولتله انى بحبه وانى موافقه اكون مراته التانيه وانى هحب بنته جدا
حنان :بس انتى ناسيه أن اهلك استحاله يوافقوا على كده
تلا :حنان انتى لازم تنكدى عليا ،ده وقته تفكرينى
حنان :ماقصدش انكد عليكى بس عيزاكى تفكرى صح ونشوف هنعمل ايه مع أهلك لان لو فكرتى بالعقل هتلاقى صعب أهل يرضوا يجوزوا بنتهم الوحيده لواحد متجوز وعنده بنت
تلا :فعلا لازم نفكر هنعمل ايه معاهم ،بس أنا عندى فكره
(يتبع -الحب الهادى )
فكرة ايه ده الفصل الثامن
تعليقات
إرسال تعليق